ҚР Денсаулық сақтау вице-министрі Марат Шранов медициналық қызметтердің жаңа тарифтері туралы айтты, деп «ҚазАқпарат»ХАА тілшісі хабарлайды.
«Тарифтерді жетілдіруге бағам айырмашылығын ескере отырып, 37,2 млрд.теңге бөлінді. Жинақталған тарихи деректерді ескере отырып, covid-19 науқастарын емдеу кезінде төсек-күндерге есептегендегі стационарлар шығыстарын төлеу клиникалық-шығынды топтар қағидаты бойынша жаңа тарифтер, сондай-ақ covid — 19-дан кейін медициналық оңалту бойынша тарифтер әзірленді», — деді Марат Шоранов ОКҚ брифингінде. Вице-министр мобильдік бригадаларға тариф, қашықтықтан кеңес беру тарифтері әзірленгенін айтты.
Қаржылық тұрақтылық коэффициентін енгізу арқылы медициналық ұйымдарды қолдау бойынша шаралар қабылданды, оның шеңберінде 12 млрд.теңге бөлінді, шартты орындаудың желілік шкаласы алынды. «2021 жылы біз ТМККК шеңберінде және МӘМС жүйесінде медициналық қызметтерге тариф белгілеу әдістемесін жетілдірудің жол картасының іс-шараларын іске асыру бойынша жұмысты жалғастыратын боламыз. Сондай-ақ, ағымдағы жылы мамандандырылған, оның ішінде жоғары технологиялық, медициналық көмек көрсетуге ақы төлеу әдістерін, сондай-ақ онкологиялық бейіндегі емделіп шыққан жағдайларды төлеу әдістерін жетілдіру жөніндегі жұмыс жалғастырылатын болады. Сонымен қатар, біз алғашқы медициналық-санитарлық көмекке тарифтерді қалыптастыру бойынша жұмысты бастадық. Біз пациенттердің ауырлығын ескере отырып, кардиохирургия, миокард инфарктісі, инсульт, травматологиялық және инфекциялық аурулар бойынша тарифтерді пилоттық тестілеуді өткізуді жоспарлап отырмыз», — деп түсіндірді Марат Шоранов. Сондай-ақ, 2022 жылғы 1 қаңтардан бастап жалақының өсуін ескере отырып, медициналық қызметтерге тарифтер қайта қаралатыны, университеттік клиникалар үшін коэффициенттер, сондай-ақ өңірлермен ұйымдастырушылық-әдістемелік жұмыс үшін ҰО мен ҒЗИ үшін коэффициенттер әзірленетіні атап өтілді.
