Алматыда қызметтік тексеру кезінде ҚР ҚК бас әскери-медициналық басқармасының басшысы медициналық қызмет полковнигі Тимур Ошақбаев Қорғаныс министрлігінің әскери клиникалық госпиталінің азаматтық медицина қызметкерлерімен кездесті.
Кездесу аясында коронавирустық инфекциямен күреске қатысқаны үшін үстеме ақы төлеуге, стационардың тыныс-тіршілігіне қызмет көрсететін тұлғаларды қолдауға, жеке қорғану құралдарымен және медициналық дәрі-дәрмектермен қамтамасыз етуге байланысты мәселелер талқыланды.
Ведомствоның баспасөз қызметі хабарлағандай, әскери қызметшілер 16 шілдеде өткен акцияға қатыспады, ал саналы түрде госпиталь пациенттерін емдеуді жалғастырды.
Азаматтық қызметкерлер моральдық-психологиялық жағдайдың шиеленісуіне, туыстарынан ұзақ ажырауға және жалақының жеткіліксіз деңгейіне байланысты дәрігерлерге ай сайынғы үстемеақы төлеу туралы талаптарымен сөз сөйледі.
Әскери ведомство басшысы бұл мәселелерді шешу үшін Қорғаныс министрлігінің не істеп жатқанын айтты. Бірақ, оның айтуынша, бұл үшін уақыт қажет, себебі шешім оларға ғана байланысты емес. Қарулы Күштердің медициналық қызметкерлерін қолдау үшін екі күн бұрын лауазымдық жалақысы мөлшерінде ақшалай сыйақы төленді.
Сондай-ақ, Тимур Ошақбаев госпиталь жұмысшыларымен және әскери медициналық мекеменің тыныс-тіршілігіне байланысты басқа да өзекті мәселелерді қарастырды. Ол оларға дәрігерлік борышын, медициналық этика мен деонтологияны сақтау қажеттігін еске салды. Басқарма бастығы қала тұрғындары әсіресе көмекке мұқтаж болған жағдайда қауіпті коронавирусқа қарсы күресті жалғастыру қажет екенін мәлімдеді.
Сурет: gov.kz
