Қос азаматтығы бар шенеуніктердің екі фактісі белгілі болды.
Мемлекеттік қызмет саласындағы бақылау департаментінің директоры Ерлан Сапаров, мемлекеттік қызметте қос азаматтықтығы бар қызметкерлердің екі фактісі белгілі болғанын хабарлады, деп жазады Total.kz тілшісі.
«Қос азаматтығы бар мемлекеттік қызметкерлерді анықтау бойынша жұмыс өткен жылдың қыркүйек айынан, яғни мемлекет басшысының Жолдауындағы тапсырмаларды жариялаған сәттен бастап жүргізілуде. Осы уақытқа дейін біз екі факт туралы білеміз», — деді Сапаров.
Бірінші жағдайда, оның айтуынша, Шымкент қаласының дене шынықтыру және спорт басқармасының басшысы Олег Почиваловта, ал екінші жағдайда Ақмола облысы бойынша сауда және интеграция министрлігі техникалық реттеу және метрология комитеті департаментінің бас маманы Ирина Точетловскаяда қос азаматтық анықталды.
«Екеуі де мемлекеттік қызметтен босатылды», — деді департамент басшысы брифингте.
