Қазақстанның Тұңғыш Президенті Нұрсұлтан Назарбаев Жапонияға сапары аясында Жапон парламенттік достық лигасының төрағасы Такео Кавамурамен кездесті.Бұл туралы Ақорданың баспасөз қызметі хабарлады.
Кездесу барысында Нұрсұлтан Назарбаев Қазақстан мен Жапония арасындағы ынтымақтастықты нығайту жөніндегі Жапон парламенттік достық лигасы қызметінің нәтижелеріне назар аударды.
“Премьер-министр Синдзо Абэнің Қазақстанға соңғы сапарында біз стратегиялық әріптестігімізді айтарлықтай нығайттық. Біздің экономикалық ынтымақтастығымызға көп өзгеріс енді.Қазір мен үкіметтің шақыруымен император Нарухитоның интронизация рәсіміне қатысу үшін келдім”, – деді Елбасы.
Сонымен қатар, біздің Республиканың Тұңғыш Президенті екі мемлекет арасындағы парламентаралық өзара әрекетті одан әрі дамыту қажеттігін атап өтті.
Өз кезегінде, Жапон парламенттік достық лигасының спикері Нұрсұлтан Назарбаевтың басшылығымен Тәуелсіздік жылдары қол жеткізілген Қазақстан Республикасының өсу қарқынын жоғары бағалады.
