Қазақстан Президенті Нұрсұлтан Назарбаев Жапонияға сапары аясында Украина президенті Владимир Зеленскиймен кездесті. Бұл туралы Ақорданың баспасөз қызметі хабарлады.
“Сіз барлық президенттердің арасында алғаш рет 70 пайыздан артық дауыс алып,халықтың сенімімен сайландыңыз.Сіздің қалағаныңызды жүзеге асыруға барлық мүмкіндіктеріңіз бар.Сізге табыс тілеймін”, – деді Назарбаев.
Өз кезегінде Украина президенті өз елі мен Қазақстан арасындағы екіжақты ынтымақтастықты дамыту қажеттігі туралы мәлімдеді. Владимир Зеленский Нұрсұлтан Назарбаевты Украинаға шақырды.
“Мен Қасым-Жомарт Тоқаев мырзаны Украинаға шақырдым, Нью-Йоркте танысуға мүмкіндік болды. Осы жағдайды пайдалана отырып, Сізді де шақырамын, міндетті түрде келіңіз. Біз, Украина,Қазақстан Республикасын әрдайым қолдаймыз. Сіздің аумақтық тұтастығыңызды, егемендігіңізді ресми және ашық қолдадық. Өз тарапымыздан Қазақстан Республикасы да Украинаға қолдау көрсеткенін қалар едік”, – деді Зеленский.
