Қазақстанның Тұңғыш Президенті Нұрсұлтан Назарбаев Еуразия елдері парламенттері спикерлерінің кеңесінде террористік ұйымдардың бірыңғай тізімін құруды ұсынды. Бұл туралы Ақорданың баспасөз қызметі хабарлады.
Еліміздің Тұңғыш Президентінің айтуынша, Еуразия елдерінің парламентшілері заңнамалық трендте бірлескен қызметтің тиімділігін арттыру қажет.
«Лаңкестіктің жалпы анықтамасын әзірлеу, лаңкестік, экстремистік ұйымдардың, ұйымдасқан халықаралық қылмыстық топтардың бірыңғай тізімін қалыптастыру маңызды. Сондай-ақ, әлемдік экономиканың жаңа сандық дәуірге — жасанды интеллект дәуіріне көшуі кезінде құқықтық базаны әзірлеу өзекті жұмыс болып көрінеді», — деді Елбасы.
Сонымен қатар, Назарбаев есірткі заттарын интернет арқылы сату мәселесін шешу қажеттігін айтты.
«Сонымен қатар халықаралық парламентаризмді саясаттандырмау қажет. Мысалы, диалогқа кейбір мемлекеттерді қоспау арқылы», — деп атап өтті Назарбаев.
Сурет: Ria.ru
