«Самұрық-Қазына» ұлттық әл-ауқат қорын басқару жөніндегі кеңестің отырысы кезінде Қазақстанның Тұңғыш Президенті Нұрсұлтан Назарбаев еліміздің елді мекендерін «Сарыарқа»газ құбырына қосу жөніндегі жұмысқа қызығушылық танытты.
«Біз тәуелсіз мемлекет ретінде алғаш рет оңтүстіктен солтүстікке қарай осындай ұзындықта үлкен газ құбырын салдық. Қазір мұның бәрі адамдардың игілігі үшін қолға алынуы керек. Бұл, біріншіден, Нұр-сұлтан қаласының экологиясы және жұмысшы қалаларды газбен қамтамасыз ету. Адамдарда мүлдем басқа өмір болады», — деп атап өтті Елбасы.
Министрлер кабинетінің басшысы Асқар Мамин елорда тұрғындары жылыту маусымы кезінде газ алады деп мәлімдеді.
«Сарыарқа» газ құбыры пайдалануға берілді. Қазіргі уақытта ЖЭО-2 газға көшіру жүргізілуде. Газ тарату желілері салынуда. Биылғы жылы Нұр-сұлтан қаласы бойынша көптеген нысандар газға көшіріледі. Бұдан басқа, Теміртау, Қарағанды, Жезқазған қалаларын газға көшіру бойынша жұмыстар жүргізілуде. Барлық ірі елді мекендер газды қамтамасыз ету жоспарланған», — деп атап өтті Асқар Мамин.
Сурет: yandex.ru
