Қазақстанның тұңғыш Президенті Нұрсұлтан Назарбаев Сауд Арабиясы аш-Шура Меджілісінің төрағасы Абдулла Әл-Шейхпен кездесу өткізді. Бұл туралы Елбасының баспасөз қызметі хабарлады.
Кездесу басында Нұрсұлтан Назарбаев Сауд Арабиясы аш-Шура Меджілісінің төрағасына Еуразия елдері парламенттері спикерлерінің кеңесіне қатысқаны үшін алғысын білдірді.
Әңгімелесу барысында Елбасы екі ел арасындағы қарым-қатынастың достық сипатын атап өтті. Сонымен қатар, Назарбаев Сауд Арабиясының билігі Қазақстан тәуелсіздігінің алғашқы жылдарында белсенді түрде қолдау көрсеткенін еске салды.
«Біз Сауд Арабиясына құрметпен қараймыз. Тәуелсіздік жылдарында сіздердің елдеріңіз бізге үлкен қолдау көрсетті.Ол біздің есімізде», — деді Тұңғыш Президент.
Сондай-ақ Нұрсұлтан Назарбаев аш-Шура Меджліс спикері Оман Халид Әл-Мауалимен кездесті. Кездесу кезінде Елбасы сұхбаттасушысына біздің еліміз Оманмен сауда-экономикалық ынтымақтастықты нығайтуға және кеңейтуге мүдделі екенінен айтты.
«Біз екі мемлекет арасындағы қарым-қатынасты дамытуға мүдделіміз. Логистиканың жоқтығына байланысты бізде сауда көлемінің төмендігі байқалады. Қазір біз Каспийден Иранға дейін темір жол салдық. Енді бізде тауарларды тасымалдау мүмкіндігі пайда болды. Бізге мемлекеттер арасындағы сауданы дамыту қажет», — деді Назарбаев.
Сурет: elbast.kz
