Еліміздің тұңғыш президенті Нұрсұлтан Назарбаев Беларусь басшысы Александр Лукашенконы президент сайлауындағы жеңісімен құттықтап, жеделхат жолдады, деп хабарлайды zakon.kz ақпарат ресурсы.
Назарбаев жеделхатында Лукашенконы Беларусь Президенті сайлауындағы жеңісімен құттықтап, оның достық байланысқа негізделген Қазақстан-Беларусь қарым-қатынасын дамытуға қосқан үлесін атап өтті.
Сонымен қатар, Елбасы біздің республикамыз Беларусьпен, оның ішінде Еуразиялық экономикалық одақ желісі бойынша ынтымақтастықты одан әрі кеңейтуге ниетті екенін мәлімдеді.
Нұрсұлтан Назарбаев Александр Лукашенкомен сенім мен өзара түсіністікке негізделген достықты жоғары бағалайтынын және қадірлейтінін атап өтті.
Ресми мәліметтерге сәйкес, Лукашенко президенттік сайлауда 80,23% дауыс жинап жеңіске жетті. Беларусь Орталық сайлау комиссиясының басшысы Лидия Ермошинаның айтуынша, қазіргі президентті жабық сайлау учаскелерінде көпшілік қолдады.
Бұған дейін мемлекет басшысы Қасым-Жомарт Тоқаев Беларусь Президенті Александр Лукашенконы сайлаудағы жеңісімен құттықтады.
Сурет: aid.by
