Қазақстанның Тұңғыш Президенті Нұрсұлтан Назарбаев Еуразия елдері Парламенттері спикерлерінің төртінші кеңесінде сөйлеген сөзінде әлемдік державаларға ядролық қаруды пайдаланудан бас тарту қажеттігін айтты. Бұл туралы Елбасының баспасөз қызметі хабарлады.
Нұрсұлтан Назарбаев әлемдік державаларды халықаралық қоғамдастық үшін маңызы зор халықаралық шарттарды ратификациялау процесіне қосылуға шақырады.
«Климат жөніндегі Париж келісіміне 192 мемлекет қол қойды, бірақ көптеген тараптар оны ратификациялаған жоқ. Біз күн сайын ғаламшардың қызып бара жатқыр,ұлы апат болады деп естиміз, бірақ біз оны болдырмау үшін ештеңе жасап жатқан жоқпыз», — деді Елбасы.
Сонымен қатар, Назарбаев ядролық сынақтарға және ядролық қаруға жан-жақты тыйым салу туралы шарттармен осындай жағдай орын алғанын қоса айтты.
«Барлығын ядролық қарудан бас тартуға шақырамын, сонымен қатар ядролық державаларға бұл қаруды жетілдіруді жалғастыруға болмайды. Ең алдымен ядролық державалар бұл бастамада бірінші болуға тиіс. Онсыз іс қозғалмайды», — деп атап өтті Нұрсұлтан Назарбаев.
