Қазақстан Республикасының Тұңғыш Президенті Нұрсұлтан Назарбаев министрлер кабинетінің басшысы Асқар Маминмен кездесу өткізді. Бұл туралы Елбасының баспасөз қызметі хабарлады.
Кездесу барысында Тұңғыш Президент Қазақстанда қабылданған шаралардың маңыздылығын атап өтіп, соның арқасында індеттің таралу қарқыны төмендегенін айтты. Сондай-ақ мемлекет басшысы Қасым-Жомарт Тоқаевтың тапсырмаларын сапалы жүзеге асыру керектігін мәлімдеді.
“Президенттің барлық бастамаларын жергілікті жерлерде адамдарға жеткізу маңызды. Бұл туралы мен өңірлер әкімдерімен телефон арқылы сөйлесу барысында да айттым”, – деді Назарбаев.
Елбасы коронавирус инфекциясының таралуы жағдайында экономикалық қауіпсіздікті қамтамасыз етуге ерекше көңіл бөлу қажеттігін баса атап өтті.
“Қазір біз дағдарыстан кейінгі кезеңде не істейтінімізді ойлауымыз керек. Экономика төмендейді, оның салдары 2008 жылғы дағдарысқа қарағанда неғұрлым ауыр болады”, – деді Нұрсұлтан Назарбаев.
Қазақстан Үкіметі басшысы өз кезегінде Назарбавты індеттің таралуына қарсы әрекеттермен, сондай-ақ әлеуметтік-экономикалық тұрақтылықты қамтамасыз етуге бағытталған біздің республикамызда қабылданып жатқан шаралармен таныстырды.
Кездесу соңында Елбасы республика Министрлер Кабинетінің қызметіне оң баға берді және Қазақстан экономикасының шикізаттық емес секторларын дамытуға бағытталған бағдарламаларды жүзеге асыру қажеттігі туралы айтты.
“Біз талай қиындықтарды басымыздан өткердік. Бұл қиындықты да еңсереміз. Ең бастысы – халқымыздың бірлігі мен тыныштығы”, – деп атап өтті Назарбаев.
Сурет: zakon.kz
