Қазақстан Республикасының Президенті Қасым-Жомарт Тоқаев Үкіметке бюджетті тек қана даму мен қауіпсіздік мақсатына қайта құруды және имидждік іс-шараларға жұмсалатын шығындарды қысқартуды тапсырды, деп хабарлады Ақорданың баспасөз қызметі.
Тоқаев Мемлекет шығындарын сумен қамтамасыз етуге, тұрғын үймен және жұмыспен қамтамасыз етуге, халықтың жағдайы мен инфрақұрылымға байланысты проблемаларын шешуге шоғырландыру қажет екенін мәлімдеді. Ол бұл мәселелер шешілетінін айтып, шенеуніктердің қызметі осы мәселелерді шешуіне байланысты бағаланатын болады деп уәде берді.
Сондай-ақ, Тоқаев масылдықты көтермейтіндігін мәлімдеді. Ол азаматтарды, ең алдымен жастарды жұмысқа орналастыру және олардың кәсіби өсуі үшін жағдай жасау қажеттігін атап өтті. «Шетелде жұмыс істейтіндердің әлеуетін Қазақстанда пайдалану үшін жұмыс істеу қажет. Сонымен қатар, жұмыс табуға тырыспайтындар арасындағы масылдықты қолдауға болмайды», – деді президент. Ол мемлекет әлеуметтік жағынан осал азаматтарға қолдау көрсететініне уәде берді. «Қалғандардың барлығы жұмыс істеуі керек» – — деді Тоқаев.
Сурет: Турар Казангапов
