Қазақстан Республикасының Тұңғыш Президенті Нұрсұлтан Назарбаев Еуразиялық экономикалық одақ елдерінің стратегиялық контурын кеңейту қажет деп мәлімдеді, деп хабарлайды Қазақстанның Тұңғыш Президентінің баспасөз қызметі.
“Дамудың жаңа пайымын әзірлеу қажеттілігі туды.Құрметті төраға етіп сайланғасын, мен кейбір ұсыныстар айтқым келеді. Бірінші, ЕАЭО стратегиялық контурын кеңейту. Біз ЕАЭО, ЕО, ШЫҰ-да, мүмкін АСЕАН да да,толыққанды экономикалық ынтымақтастықты жолға қоюымыз керек”, – деді Нұрсұлтан Назарбаев.
Тұңғыш Президент егер біз осы бағытта табанды жұмыс істеске, алға қойылған міндеттер жүзеге асырылатынын айтты.
“Біздің Еуразиялық кеңістігіміздің мәні оны жаһандық өзара іс-қимылға ашық етуде “, – деп атап өтті Қазақстанның Тұңғыш Президенті.
Сондай-ақ, Назарбаев ЕАЭО әлеуетінің ажырамас жалғасы ретінде қытайлық “Бір белдеу, бір жол” бастамасын өңдеуге алуды ұсынды.
“Біз бұл бастаманың сынын білеміз, бірақ біз мұны бақылай алатынымызды және біздің елдеріміз үшін пайда түсіретінімізді білеміз. Бұл бізге зор экономикалық нәтиже береді. Елдеріміз тиімді географиялық орналасуын ескере отырып, бірлескен ірі жобаларды іске асыруды пысықтау жөніндегі жұмысты жеделдетуі тиіс.Біззде осының барлығына қуатты база бар”, – деп толықтырды Назарбаев.
Сурет: Novosti.ru
