Біздің республикамыздың Тұңғыш Президенті Нұрсұлтан Назарбаев өңірлер және Нұр-Сұлтан, Алматы, Шымкент қалаларының әкімдерімен телефон арқылы сөйлесті. Бұл туралы Ақорданың баспасөз қызметі хабарлады.
Телефон арқылы сөйлесу барысында Қазақстанның аймақтарындағы коронавирус ахуалына сөз болды және биліктің халықтың қауіпсіздігін қамтамасыз етуге дайындығы талқыланды.
Назарбаев облыстар мен қалалардағы коронавирус инфекциясының ағымдағы жағдайы туралы хабардар етілді, сондай-ақ эпидемияға қарсы күрес жөніндегі қабылданып жатқан шаралармен танысты.
Сонымен қатар, әкімдер Тұңғыш Президентке коронавирусқа байланысты қиын жағдайға тап болған азаматтарға көрсетіліп жатқан қолдау, төтенше жағдай режимі кезінде азық-түлік қауіпсіздігі мәселелерінің шешілуі туралы айтты.
Нұрсұлтан Назарбаевпен әңгімелесу барысында әкімдер төтенше жағдай кезінде азаматтар мен бизнес субъектілеріне қолдау көрсетуге бағытталған шараларды іске асыруды жалғастыруға әзір екенін мәлімдеді.
Тұңғыш Президент өз кезегінде Қазақстанның қалалары мен өңірлерінің әкімдеріне төтенше жағдай кезінде қазақстандықтардың қауіпсіздігін қамтамасыз ету бойынша нәтижелі жұмыс тіледі.
Сурет: ru.sputniknews.kz
