Мемлекет басшысы Қасым-Жомарт Тоқаев “Ұлытау – 2019” халықаралық туристік форумы барысында Қазақстанда туризм университетін құру керектігін айтты. Бұл туралы ҚР президентінің баспасөз қызметі хабарлады.
“Көптеген шетелдік туристерді әмбебап заттар – бес жұлдызды қонақ үйлер мен курорттар жалықтырды. Олардың қызығушылығы әр түрлі халықтардың мәдениетін, әдет-ғұрпын және салт-дәстүрлерін үйрену, келген елдің тарихымен танысу болып табылады. Сондықтан әлемде өзіндік ерекше орындарға бару, тарихи фестивальдарға қатысу және өткен күндердің маңызды оқиғаларын қайта құру сұраныстары өсуде”, – деді мемлекет басшысы.
Қасым-Жомарт Тоқаевтың айтуынша, біздің еліміз күн өткен сайын шетелдік туристерге танымал болуда. Қазақстанда әлемге көрсетуге болатын нәрселер бар. Оның айтуынша, туризм күрделі сала және туристік бизнесті дамыту үшін тиісті мамандарды дайындау қажет.
“Сондықтан біз туризм университетін ашу туралы шешім қабылдадық. Бізге осы салада жұмыс істей алатын білікті кадрларды дайындау қажет”, – деді Тоқаев.
