Ақмола облысында экстремизмге қарсы әрекет ету басқармасының қызметкерлері террористік тұрғыдан осал объектілерде тексеру жүргізді. Бұл туралы облыстық полиция ведомствосының баспасөз қызметі хабарлады.
Тексерулер кезінде ведомство қызметкерлері терроризм жағдайында қорғалуға байланысты 155 заң бұзушылықты анықталып, заң бұзушылықтарды жою туралы тиісті нұсқамалар шығарылды.
Сондай-ақ осындай бұзушылықтар үшін террористік қауіп-қатерге осал 27 нысан басшылары әкімшілік жауапкершілікке тартылды.
Ақмола облысы полиция департаменті өкілдерінің айтуынша, аталған нысандардың басшыларына, жалпы сомасы 6,5 миллион теңгеден асатын, әкімшілік айыппұлдар салынды.
Облыстық полиция департаментінің мәліметінше, бүгін облыста терроризмге бейім 700-ге жуық нысан бар. Белгіленген ережелерді сақтамау тек аймаққа ғана емес, бүкіл елге үлкен қауіп төндіреді, сондықтан аталған нысандарда үнемі тексерулер жүргізіліп тұрады.
Сурет: Eurasia.Expert
