Қазақстандық экономист Саян Комбаров біздің республикада бағаны тұрақтандыру, Ұлттық валюта бағамы және несиелендіруді қалыпқа келтіру туралы өз пікірін білдірді, деп хабарлайды “ҚазТАГ” жаңалықтар арнасы.
Экономист бұдан бұрын мемлекет басшысы Қасым-Жомарт Тоқаев қазақстандық несие беру жүйесі қиын жағдайда екенін және республиканың Ұлттық Банкіне оны реформалау керектігін айтты.
“Алайда, біз несие – ол тауар екенін түсінбейміз, ал оның негізі, ұзақтығы мен бағасы тауар, қызмет және капитал түрінде осы экономикалық ресурстарды жинақтау деңгейімен анықталады. Несие ақша эмиссиясынан құрылмайды. Ақша – тауар алмасу, есеп және жинақ құралы. Ақшаға деген сұраныс тауарларға деген сұранысқа тең, ол тауар ұсынысымен қалыптасады және теңестіріледі”, – деді экономист.
Саян Комбаров бағаның тұрақтылығы, ұлттық валюта мен несие бағамы қаржы реттеушісінің қатысынсыз жинақпен, еркін нарықпен қамтамасыз етілетінін айтты.
“Ұлттық банк тауармен қамтамасыз етілмеген ақша массасын жасайды, экономикалық есеп пен бағаны қалыптастыруға мүмкіндік туғызбай, пайыздық мөлшерлемелер мен несие ұзақтығын бұрмалайды.”, – деп толықтырды Комбаров.
Қазақстандық экономист бағалардың, ұлттық валюта бағамының және несиенің тұрақтылығын қамтамасыз ету үшін Ұлттық банкті жою қажеттігін атап өтті.
Сурет: 24.kz
