Қазақстанның Ұлттық экономика министрі Руслан Дәленов халықпен есептік кездесуде жаңа сауда және интеграция министрлігіне атқарымдардың берілу кезеңдері туралы хабарлады. Бұл туралы “Қазақпарат” ақпарат агенттігі хабарлайды.
“Бұл тез өтеді. Менің министрлігіме келетін болсақ, сол кіреберіс, сол ғимаратта. Біз адамдардың қай жерде отыратынын анықтадық, шамамен 70 адам біздің министрліктен беріледі – саудамен айналысатындар, интеграциямен сол қарқынмен жұмыс істеуді жалғастыратындар. Жаңа ведомстводағы байланыс орнатуға уақытты кетіру қажеті емес”, – деді Руслан Дәленов.
Қазақстанның Ұлттық экономика министрі сауда және инвестициялар министрлігінің штатының қалай қалыптасатыны туралы хабардар етті.
“Әсіресе біздің министрліктен берілетін ұжымды жинау өте тез болады. Бүгінде қызметкерлердің бір бөлігі ДСҰ мәселелері бойынша іс-сапарларда жүргенін айта аламын, мұнда жұмыс қарқыны қандай министрлікте тұрғанына қарамастан, төмендемейді. Функция бар – ол ешқайда кеткен жоқ. Қосымша әсерге келер болсақ, әлемдік экономикалық қоғамдастыққа сауда және интеграция мәселелеріне назар аударатын фокустық министрлікті құру,бізге өте қажетті, тұрақты экономикалық өсімге алып келеді”, – деп түйді Руслан Дәленов.
