Қазақстанның геология және табиғи ресурстар министрі Мағзұм Мырзағалиев министрлікте сыбайлас жемқорлыққа қарсы жобалық кеңсе ашылғанын айтты.
«»Адалдық аланы» жобалық кеңсесі жемқорлыққа қарсы мінез-құлықты қалыптастыруда және кабинеттік жүйеден open space форматына көшуге мүмкіндік береді. Бұл мемлекеттік қызметшілердің жаңа формациясын қалыптастырудағы үлкен қадам», – деді министр.
Мағзұм Мырзағалиевтің айтуынша, осы форматтың арқасында халықтың қажетті ақпаратқа қол жеткізуі жеңілдетіледі, бұл әлеуметтік маңызды жобаларды жылдам әрі сапалы жүзеге асыруға мүмкіндік береді.
Экология министрі бұл жобаның сараптамалық кеңесіне үкіметтік емес ұйымдар мен бизнес қауымдастық өкілдері кіретінін хабарлады.
Сонымен қатар, Мырзағалиев бұл жоба Қазақстан президенті Қасым-Жомарт Тоқаевтың Қазақстан халқына Жолдауын жүзеге асыру жөніндегі жалпыұлттық іс-шаралар жоспарын орындау аясында жүзеге асырылып жатқанын айтты.
Министр сыбайлас жемқорлыққа қарсы жобалық кеңсенің мақсаты мемлекеттік органдар мен ұйымдарда клиентке бағытталған орта құру, тұрмыстық сыбайлас жемқорлық деңгейін төмендету, сондай-ақ сыбайлас жемқорлық қауіп-қатерлерін анықтау және жою болып табылатынын атап өтті.
Сурет: zakon.kz
