Қазақстан Республикасының экология министрі Мағзұм Мырзағалиев Экология министрлігінің мамандары су ресурстарын басқару бойынша бағдарлама жобасын әзірлегенін айтты, деп информ ресурс inbusiness.kz хабарлайды.
Мырзағалиевтің айтуынша, бұл бағдарламаның жобасы суармалы жерлердің көлемін 2030 жылға дейін 3 миллион гектарға дейін ұлғайтуды, ағымдағы 3 мың шақырымнан 13,5 мың шақырымға дейін каналдарды қайта жаңартуды, сондай-ақ 38 жаңа су қоймасының құрылысын салуды көздейді.
Сонымен қатар, министр ведомство суармалы жерлердің көлемін 3 миллион гектарға дейін ұлғайтуды көздейтін жұмысқа кіріскенін мәлімдеді.
Атап айтқанда, қазіргі уақытта Алматы, Жамбыл, Түркістан, Қызылорда және Ақтөбе облыстарында 500 мың гектарға жуық суармалы жерлерді енгізу жұмыстары жүргізілуде.
“Барлық облыстарда өсім болады. Ең үлкен өсім Шығыс Қазақстан-262 мың гектар, Ақмола және Павлодар облыстарында тиісінше 165 мың гектар болады. Бүгінгі таңда мемлекеттік бағдарлама жобасы келісу рәсімінен өтуде және жақын арада Үкіметке енгізілетін болады”, – деп атап өтті Мағзұм Мырзағалиев.
