Қазақстан Экология министрі Мағзұм Мырзағалиев Түркістан облысына барып, өңірдің су шаруашылығы нысандары мен арналарын тексерді. Бұл туралы «Қазақпарат» жаңалықтар ресурсы хабарлайды.
Экология министрлігінің басшысы қазіргі уақытта өңірде арықтарды тазалау жұмыстары жүргізіліп жатқанын айтты. Бұл суармалы жерлерді сумен қамтамасыз ету мақсатында жасалып жатыр.
Мағзұм Мырзағалиев жалпы ұзындығы 108 шақырымды құрайтын облыстық арналардан 74% тазартылғанын атап өтті. Бұл бағытта жұмыс жалғасуда.
Сонымен қатар, министр облыстың ауылдарын су басуына байланысты арықтарды тазалау мерзімі біршама жылжығанын атап өтті, өйткені барлық техника төтенше жағдайдың салдарын жоюға бағытталды.
Мағзұм Мырзағалиев, осындай жағдайға карамастан, арналарды тазарту бойынша жоспарланған барлық жұмыстарды мерзімінде аяқтау жоспарланғанын мәлімдеді.
Сонымен қатар, Түркістан облысына сапары аясында экология министрі Шардара су қоймасының бөгетін қалпына келтіру жұмыстарының жүргізілу барысын тексерді. Қазір онда құрылыс-монтаж жұмыстары жүргізілуде. Жобаны келесі жылы аяқтау жоспарланып отыр.
Бұған дейін Қазақстандық ақпараттық интернет-ресурстарда Өзбекстан республикасының басшысы Шавкат Мирзиеев 2020 жылдың екінші жарты жылдығында біздің елімізге келуді жоспарлап отырғаны туралы ақпарат пайда болды.
Мағзұм Мырзағалиев айтқандай, Мирзиеевтің сапары аясында трансшекаралық су объектілерін бірлесіп басқару, пайдалану және қорғау жөніндегі үкіметаралық келісімге қол қою жоспарлануда.
