Экология, геология және табиғи ресурстар министрлігінің басшысы Мағзұм Мырзағалиев Қазақстан астанасында экологиялық акция басталғанын, оның аясында Нұр-Сұлтан тұрғындары өз қаласын қоқыс қалдықтарынан тазартатынын хабарлады.
«Астананың маңындағы су қоймаларының жанында бірнеше орынға бардым. Аумақтың жай-күйі өте ауыр жағдайда, барлық жерде қоқыс, адамдардың тұрмыстық қалдықтары және т.б. стихиялық қоқыс тастайтын жерлер табиғатта әдеттегі құбылысқа айналды. Мәселені тек әкімшілік ресурс арқылы шешу мүмкін емес, қоғамды біріктіру қажет», — деді Мырзағалиев.
Министрдің айтуынша, су қоймаларында болған соң, ол ресми түрде экологиялық акцияның басталуын жариялауға шешім қабылдады.
«Осы сенбіде Қоянды су қоймасын тазартудан бастайық. Еріктілерді, қоғам қайраткерлерін, үкімет мүшелерін, экологиялық белсенділерді игі іске қатысуға шақырамын», – деді экология, геология және табиғи ресурстар министрі.
Министрлікте бұл экологиялық акция 20 шілдеде өтеді, табиғи ортаның тағдырына немқұрайлы қарамайтын барлық қатысушылар осы акцияға қатыса алатынын хабарлады.
«Триатлон паркінің тұрақ аймағында барлығын күтеміз, сол жерден автобуспен акция өтетін жерге жетеміз. Тамақтану мен құрал – жабдықтар жергілікті жерде ұйымдастырылады», — деді Мырзағалиев.
