Қазақстан мен Өзбекстан президенттері Қасым-Жомарт Тоқаев пен Шавкат Мирзиеев Қырғызстанға экономикалық және ізгілікті көмек көрсетуге келісті.
Бұл туралы мемлекет басшылары телефон арқылы келісті.
“Орталық Азиядағы жағдайды талқылау барысында Мемлекет басшылары өңірдегі тұрақтылық пен қауіпсіздікті қамтамасыз ету мақсатындағы бірлескен күш-жігер туралы уағдаластыққа қол жеткізді. Қазақстан мен Өзбекстан Қырғыз халқына экономикалық және ізгілікті көмек көрсетеді”, – делінген Ақорда хабарламасында.
Сонымен қатар, Тоқаев пен Мирзиеев түрлі салалардағы екіжақты ынтымақтастықтың қарқынды дамуына қанағаттанушылық білдірді. Күн тәртібінде таяу жылдары іске асырылатын жаңа бірлескен жобалар бар.
Президенттер “10 қарашада Ресейдің төрағалығымен өткен ШЫҰ саммитінің қорытындыларын жоғары бағалады”, – деп Ақорда жазады.
