Қазақстан Республикасы Ұлттық қауіпсіздік комитеті төрағасының орынбасары — Шекара қызметінің директоры Дархан Ділманов мәжіліс барысында шекарадан заңсыз өткен ҚХР екі азаматы – этникалық қазақтарға қатысты жағдайға түсініктеме берді, деп NUR.KZ хабарлайды.
“Қазір тергеу жүріп жатыр. Біз міндетті түрде береміз осы мәселе бойынша қосымша түсініктеме. Мен бірден айта кетейін, мемлекеттік шекараны кесіп өту оңай емес”, – деді Ділманов.
Оның айтуынша, эксперимент жүргізіліп жатыр, оның барысында ҚХР азаматтары мемлекеттік шекараны қайда бұзғанын көрсетуі тиіс.
“Бұдан әрі заң бойынша жұмыс істейтін боламыз. Қазір олар ұсталған жоқ. Олар Зайсан қаласында. Олар Тарбағатай ауданында өткенін айтты.
Бұл мемлекеттік шекараны бұзушылар, ол үшін бап қарастырылған. Мемлекеттік шекараны бұзғаны үшін тиісті қылмыстық жауапкершілік болуы тиіс”, – деп толықтырды шекара қызметінің директоры.
Сонымен қатар, ол аз этникалық топтардың өкілдері ретінде кемсітушілікке ұшыраған лагерьден қашу туралы еркектердің мәлімдемесіне қатысты күмән келтірді.
“Мен сізге айтайын, біз тиісті сауалдар жасап, жауап аламыз. Мен, мысалы, өзім бұған күмән келтіремін. Мен олардың бірі – Кастер деп атайды бір ғана айта аламын.
Мен сізге ресми түрде 2006 жылы осы азамат мемлекеттік шекараны бұзғанын, қазақстан-қытай шекарасындағы мал ұрлығы үшін ұсталды. (Сол кезде-Ред.) ұстау біздің шекарада болды, Қытай шекарашыларына берілді…
Бұл мемлекеттік шекараны бұзушылар, бізде көп. Саяси емес (босқындар сирек). Саяси босқын мәртебесін әлі анықтау керек.
Егер босқындар ресми түрде келіп, өткізу пункті арқылы келіп, “Мені қабылдауыңызды сұраймын”деп айтуға тиіс. Бұл жерде болған жоқ”, – деп түйіндеді Ділманов.
Бұған дейін хабарланғандай, ҚР ҰҚК Шекара қызметі Қытай азаматтары Мұрагер Әлімұлы мен Қастер Мұсақанұлына қатысты мемлекеттік шекараны қасақана заңсыз кесіп өту фактісі бойынша сотқа дейінгі тергеу жүргізуде.
Олардың екеуі де ағымдағы жылдың 1 қазанында Қазақстан-Қытай шекарасынан заңсыз өткенін хабарлады.
