Қазақстан парламентінің төменгі палатасында еңбек мәселелері бойынша Қазақстанның кейбір заңнамалық актілеріне өзгерістер енгізуге қатысты заң жобасын талқыланды. Бұл туралы Мәжілістің баспасөз қызметі хабарлады.
Қазақстан Республикасы Еңбек және халықты әлеуметтік қорғау министрлігінің басшысы Біржан Нұрымбетов отырысқа қатысушылардың алдында сөйлеген сөзінде елімізде кәсіподақтардың қауымдастығын жою жоспарланып отырғанын мәлімдеді.
Нұрымбетовтың айтуынша, Еңбек министрлігі кәсіподақтардың қауымдастығын жою туралы шешім қабылдады,өйткені Халықаралық еңбек ұйымы бес жылдан астам уақыт бойы «Кәсіптік одақтар туралы» Қазақстан заңына наразылық білдіруде.
«Әлемнің бірде-бір елінде ,төмен тұрған кәсіби органның жоғары тұрған органдарына міндетті мүшелігі туралы заңнамалық талап жоқ. Біздің заңнама Халықаралық еңбек ұйымының 87-ші Конвенциясының нормаларына сәйкес келмейді, онда кәсіби ұйымдар өз қызметінде тек өз Жарғысын басшылыққа алуы тиіс», — деді Еңбек министрі.
Сурет: Finance.kz
