Қазақстан қазір жаһандық саяси және экономикалық процестердің ортасында. Республикамыздың үдемелі дамуын қамтамасыз ету үшін, қазіргі заманғы сын-қатерлерге жедел ден қойып, экономиканың бәсекеге қабілеттілігін қолдау қажет. Сонымен қатар,билік пен қоғам стратегиялық басымдықтарды дұрыс анықтауы керек, оның ішінде жастар мәселесі жетекші орындардың бірінде болады.
Бұрын жастарды “революцияның барометрі” деп атаған. Бұл бекер емес, өйткені жастар ең радикалды, революциялық және әртүрлі үндеулерге бейім келеді. Бұған негізінен көптеген төңкерістерді жастар ұйымдастырғаны дәлел бола алады.
Кеңес Одағында кезеңінде жастармен жақсы жұмыс жасалды. Жастарды тәрбиелеу бірден бірнеше сатыдан өтті: октябрята, пионер және комсомол. Бұрын жас техниктер, жас туристер, пионерлер үйлері болғанын көптеген адамдардың есінде. Олар қазір қайда? Жастар өз амбицияларын қайда бағыттасын?
Біздің басшылыққа кеңестік тәжірибені қолға алып, жастарды қоғамдық пайдалы жұмысқа тартуы керек. Мысалы, жастар қоғамдық ұйымдарға қатысу арқылы өздерінің амбициясын пайдалана алатынын түсінуі үшін республикалық волонтерлік қозғалысты құруға болар еді. Сонымен қатар, бұл елді басқаруға дайындықтың бір түрі болар еді.
Қазір біздің жастарымыз енжар және ештеңеге сенбейді. Бірақ ол өзіне қызықты болып көрінетін кез-келген идеяны қабылдауға дайын. Бұл жағдайда жастарға арналған идеялар сырттан келуі мүмкін.
Жастар белсенді болуы керек. Сондықтан мемлекет жастардың өз қабілетін жүзеге асыруы және олардың қоғамдық үдерістерге белсенді түрде қатыстуы үшін барлық қажетті жағдайларды жасауы керек. Бұл республиканың әлеуметтік, мәдени және экономикалық дамуын қамтамасыз етуге, сондай-ақ “түсті” төңкерістерге жол бермеуге мүмкіндік береді.
Өскелең ұрпақтың санасын жаулап алуға тырысатын ұлтшылдар, исламшылдар және батысшыл либералдар сияқты деструктивті күштердің әсерінен аулақ болуы үшін, бізге жастармен жұмыс жасаудың жаңа тұжырымдамасы қажет. Үдеп келе жатқан экономикалық дағдарыс жағдайында дәйекті жастар саясатының болмауы мемлекет үшін қымбатқа түсуі мүмкін, өйткені жұмыссыз жастар барлық “түрлі-түсті” төңкерістердің “жанғыш қоспасына” айналады.
Азаматтық және әскери қақтығыстарды зерттеу орталығының сарапшысы Сұлтанбек Агеев, арнайы «Эхо Казахстана» үшін
Сурет: zakon.kz
