5 наурыздағы отырыста Еуразиялық экономикалық комиссия кеңесі Металлургияға арналған графиттелген электродтардың жекелеген түрлеріне қатысты кедендік әкелім бажының мөлшерлемесін екі жыл мерзімге 0% мөлшерінде белгілеу, сирек кездесетін металдар өндірісінде және фармацевтикада пайдаланылатын қымыздық қышқылына қатысты кедендік әкелім бажының мөлшерлемесін екі жыл мерзімге 6,5%-дан 0%-ға дейін төмендету, сондай-ақ жөргектерді өндіруге арналған суперабсорбенттерге кедендік әкелім бажының нөлдік мөлшерлеме мерзімін үш жылға ұзарту туралы шешім қабылдады, деп хабарлайды Kazakhstan Today
ЕЭК баспасөз қызметі хабарлағандай, шешімдер пакетін қабылдау рәсімі аяқталды, соның нәтижесінде сусындарға арналған банкалар өндірісінде пайдаланылатын алюминий таспаға импорттық баж мөлшерлемелері екі жыл мерзімге 10%-дан 12%-ға дейін арттырылатын болады. Комиссия Кеңесі алюминий банкілерін («кілттерді») ашу үшін қақпақтар мен құрылғылар жасауға қолданылатын лентаға қатысты баж мөлшерлемесін арттырып, ЕАЭО СЭҚ ТН жеке кодқа бөлу және нақтылау шешімін қабылдады. ЕЭК Кеңесі тарифтік преференциялардың бірыңғай жүйесін жетілдіру шеңберінде ЕАЭО тарифтік преференцияларының бірыңғай жүйесін пайдаланушы дамушы және неғұрлым төмен дамыған елдердің тізбелерін қайта қарау туралы шешім қабылдады.
ЕЭК кеңесі Еуразиялық экономикалық одақта тауарларды сәйкестендіру құралдарымен таңбалау жүйесінің базалық технологиялық ұйымдастырушылық моделін бекітті. Тауарларды таңбалау жүйесінің базалық моделі ЕАЭО ішкі нарығында кедергілердің туындауын болдырмауға мүмкіндік береді. ЕЭК Кеңесі құрамында никотин бар өнімге Еуразиялық экономикалық одақтың техникалық регламентін әзірлеу туралы шешім қабылдады. Мұндай өзгерістер ЕАЭО техрегламенттерін әзірлеу жоспарына енгізілді. ЕЭК Кеңесі ЕАЭО-да карантиндік фитосанитариялық бақылауды (қадағалауды) жүзеге асыру тәртібі туралы ережеге өнім қаптамасының таңбалануына бақылау жүргізу кезінде өсімдіктер карантині жөніндегі инспекторлардың жұмысын регламенттеу бөлігіне өзгерістер енгізді. Өзгерістердің мақсаты — Одақ аумағында карантиндік фитосанитариялық қауіпсіздікті қамтамасыз ету және бірыңғай карантиндік фитосанитариялық талаптарды сақтау.
ЕЭК Кеңесі 2016-2020 жылдар кезеңінде ұлттық рәсімдер бойынша тіркелген дәрілерді тіркеу дерекнамасына өзгерістер енгізуге қатысты бірқатар түсініктемелер берді. Атап айтқанда, қайта өндірілген және гибридтік препараттарды бағалау және тіркеуде қайталанатын сараптамалық есептерді ресімдеу алынып тасталды. Еуразиялық экономикалық одаққа мүше мемлекеттердің трансшекаралық нарықтарында бәсекелестіктің жалпы қағидаларының бұзылуына әкелуі мүмкін әрекеттерге жол бермеу үшін алдын ала ескерту шығару тәртібі бекітілді. Бұл ЕАЭО нарықтарындағы бәсекелестік қағидаларының сақталуын қадағалайтын «жұмсақ реттеудің» жаңа тетігі. ЕЭК Кеңесі зергерлік бұйымдарды сынамалауға, талдауға және таңбалауға қойылатын талаптарды бекітті. ЕАЭО мемлекеттері шешім күшіне енген күннен бастап екі ай мерзімде сынамалық таңбалар бедерлерінің үлгілерімен, олардың сипаттамаларымен және атаулар тізілімдерімен алмасуға уағдаласты.
