Келесі апта, 9 маусымда бейнеконференцбайланыс режимінде Еуразиялық экономикалық комиссия Алқасының отырысын өткізу жоспарлануда, деп хабарлайды ЕЭК баспасөз қызметі.
Алқа мүшелері одаққа қатысушы елдерде, оның ішінде Қазақстан Республикасында, коронавирус және өзге де инфекциялық аурулардың таралуын болдырмауға бағытталған іс-шаралардың кешенді жоспарының жобасын қарастыратын болады.
Бейнеконференция кезінде ЕЭК Алқасы ЕАЭО елдерінің агроөнеркәсіптік кешендерін дамытуды болжау әдістемесін, сондай-ақ кедендік инфрақұрылым мен құрылыстарын радиациялық бақылау жүйесімен жарақтандыру талаптарын бекітеді деп жоспарлануда.
Алдағы отырыстың күн тәртібіне одақта дәрі-дәрмектердің ортақ нарығын қалыптастыруға қатысты мәселелер де енгізілетін болады.
Алқа мүшелерінің назары карантиндік шараларды қолдану саласындағы бірыңғай құқықтық базаны жетілдіру, сондай-ақ ЕЭО мүше мемлекеттердің өнеркәсіп саласындағы өзара іс-қимылы мәселелеріне де бөлінетін болады.
