“Эдельвейс” әскери полигонында “орталық-2019″стратегиялық командалық-штабтық оқу-жаттығулары басталды. Іс-шара 21 қыркүйекке дейін жалғасады. Бұл туралы 24.kg ақпарат агенттігі хабарлайды.
Оқу-жаттығуға Қазақстан, Қырғызстан, Пәкістан, Өзбекстан, Үндістан, сондай-ақ Қытайдан әскери контингенттер қатысады.
“Оқу-жаттығуларға 130 мыңға жуық адам, 20 мыңнан астам жауынгерлік техника мен қару-жарақ, 600-ге жуық ұшу аппараттары жұмылдырылады. Негізгі әрекеттер Ресейдің әскери полигондарында өрістетілді. Оренбург облысындағы “Донгус” полигонында әскерлердің бірлескен практикалық іс-қимылдары сарапқа салынады. Бірқатар тактикалық эпизодтар Қырғызстан Қарулы Күштері Құрлық әскерлерінің “Эдельвейс” оқу орталығын қоса алғанда, қатысушы елдердің аумақтарында пысықталады. Оқу-жаттығу барысында әскери қызметшілер халықаралық терроризмге қарсы күрес және Орталық Азия стратегиялық бағытында әскери қауіпсіздікті қамтамасыз ету кезінде әріптес мемлекеттер коалициясының әскерлер топтарын қолдану мәселелерін пысықтауда”,-деп хабарлайды ақпараттық агенттік.
Сурет: mod.gov.kz
