Еуразиялық экономикалық одаққа қатысушы елдерден Қазақстанға әкелінген автомобильдерің 50 жүргізушісінен тұратын топ Нұр-Сұлтан қаласында құқық қорғау органының өкілдерімен кездесті. Бұл туралы “ҚазТАГ” АҚ баспасөз қызметі хабарлады.
Кездесу ішкі істер қызметкерлерінің
шақыруымен елордалық полиция департаментінде өтті. Алайда, Нұр-Сұлтан полиция ведомствосының ғимаратына БАҚ өкілдерін жібермеді.
автоәуесқойлармен полиция департаментінде кеден және құқық қорғау органдарының өкілдері кездесті, бірақ олардың ішінен тек әкімшілік полиция комитеті басшысының орынбасары Серік Түсіпов қана өзін таныстырды.
Кездесу барысында шетелдік мемлекеттік нөмірлері бар көлік иелері екі талап қойды. Атап айтқанда, одақ елдерінен әкелінген көлік құралдарын Қазақстанда заңдастыруды немесе оларды республика аумағында кедергісіз пайдалануға рұқсат етуді талап етеді.
Әкімшілік полиция комитеті басшысының орынбасары өз кезегінде жүргізушілерге олардың талаптарын жазбаша түрде ресімдеуді ұсынды, алайда автомобилистер оны бірнеше рет жасағанын, бірақ еш нәтиже жоқ екенін атап өтті.
Сонымен қатар, наразылық білдірген жүргізушілердің айтуынша, қазір өңірлерде ЕАЭО елдерінен әкелінген автокөліктер мәселесіне байланысты әлеуметтік шиеленіс байқалуда, сондықтан олар болуы ықтимал митингілер үшін жауапты емес екенін айтты. Ақыр аяғында кездесу нәтижесіз өтті.
Сурет: kaztag.info
