Еуразиялық экономикалық комиссияның кәсіпкерлік қызметті дамыту департаментінің өкілдері Тәуелсіз Мемлекеттер Достастығының зияткерлік меншікті құқықтық сақтау және қорғау мәселелері жөніндегі Мемлекетаралық кеңесінің онлайн-отырысына қатысты, деп хабарлайды ТМД Атқару комитетінің баспасөз қызметі.
Бейнеконференция цифрлық экономика жағдайында зияткерлік меншік саласындағы құқықтық қатынастарды жетілдіру мәселелеріне арналды.
Осы мәселені талқылай отырып, ЕЭК және Достастықтың Атқарушы комитетінің сарапшылары зияткерлік меншік саласын әкімшілендірудің проблемалық аспектілерін реттеу бойынша ТМД мемлекеттерінің тәжірибесін қарастырды.
Сондай-ақ, онлайн-отырыс аясында қатысушылар Достастық елдерінің зияткерлік меншік саласындағы бұзушылықтарға қарсы әрекет ету үшін заңнаманы өзгертуді көздейтін ұсыныстарды талқылады.
Сонымен қатар, коронавирус індетінің ТМД мемлекеттері экономикаларының әртүрлі секторларына теріс әсерін еңсеру мәселелеріне назар аударылды.
Осындай бірлескен іс-шараларды өткізу ЕЭК пен ТМД Атқарушы комитеті арасындағы өзара іс-қимылды тереңдету туралы меморандумда көзделген.
Сурет: eurasian-studies.org
