Еуразиялық экономикалық комиссияның өткен кеңесінде сүт шикізаты бойынша микробиологиялық көрсеткіштерге қойылатын талаптарды қабылдау бойынша Қазақстан үшін өтпелі кезеңді бес жылға ұзарту туралы шешім қабылданды.
ЕЭК баспасөз қызметінде атап өткендей, бұл мерзім Қазақстанға ұлттық “жол картасымен”қарастырылған ғылыми-техникалық базаны жетілдіру бойынша барлық іс-шараларды және шығу шикізатын бақылау тәсілдерін орындау үшін жеткілікті болуы тиіс. Өтпелі өлшемдер бойынша дайындалған сүт өнімдері тек Қазақстан шегінде ғана сатылатын болады.
Қазіргі уақытта Қазақстанның сүт саласы Одақтың “сүт және сүт өнімдерінің қауіпсіздігі туралы” техникалық регламентінің талаптарына сәйкес келмейді. Бұл сүт-шикізат өнімдерінің негізгі бөлігі санитарлық-ветеринарлық нормаларды тиісті деңгейде қолдай алмайтын жеке қосалқы шаруашылықтардан келіп түсуімен тікелей байланысты.
Сондықтан, еліміздің ауыл шаруашылығы министрлігі осы кемшіліктерді жою үшін және отандық өндірушілерді қолдау үшін кейінге қалдыруды сұрады. Осы уақыт ішінде жаңа фермаларды салып, жаңа сүт қабылдау пункттерін ашу жоспарлануда.
Бұл кейінге қалдыруды біздің елден басқа Қырғызстан да алды.
