Еуразиялық экономикалық комиссияның кедендік ынтымақтастық жөніндегі министрі Олег Панкратов Беларусь Республикасы, Қазақстан, Қырғыз Республикасы және Ресей Федерациясы жүк тасымалдарын қадағалау мақсатында Еуразиялық экономикалық одақта навигациялық пломбаларды қолдану туралы келісім жобасын мемлекетішілік келісу жұмыстарын аяқтағанын айтты. Бұл туралы tazabek.kg информресурс хабарлады.
Панкратовтың айтуынша, Армениядан мұндай хабарлама әлі түскен жоқ.
Ол тараптардың ағымдағы жылдың екінші тоқсанында осы келісімге қол қою туралы уағдаластықтарын ескере отырып, Армения Республикасына келісім жобасын мемлекетішілік келісуді жеделдетуді, ал тараптардың әрқайсысына келіп түскен ұсыныстарды назарға ала отырып, келісімді пысықтауды ұсынғанын атап өтті.
“Жоғары деңгейдегі кеңес 2021 жылдың 17 наурызына жоспарланған, оның барысында мәселелер талқыланады. Бұл құжатсыз тауарларды өткізу мәселесін шешу қиын”, – деп ЕЭК министрі атап өтті.
Навигациялық пломбалар транзиттік тауар тасымалдарын қадағалау үшін қолданылады. Бұл жоба Еуразиялық экономикалық одақ аумағында 2017 жылдың соңынан бастап енгізіле бастады. Өткен уақыт ішінде ол өзін жақсы дәлелдеді.
Жобаның арқасында ауыр жүк көліктерінің орналасқан жерін онлайн режимінде бақылауға болады. Навигациялық пломбалар транзиттік жүктерді қауіпсіз тасымалдауға мүмкіндік береді, сондай-ақ уақытты үнемдеуге және артық тексерулерді барынша азайтуға ықпал етеді.
Сурет: tazabek.kg
