Ертең бейнеконференция байланысы арқылы тұтынушылардың құқықтарын қорғау бойынша ЕАЭО мен ТМД бейінді құрылымдарының кезекті бірлескен отырысын өткізу жоспарланды, деп хабарлайды ЕЭК баспасөз қызметі.
Бейнеконференцияға Қазақстан, Ресей, Белорусь, Қырғызстан, Молдова, Армян, Тәжікстан және Өзбекстан мемлекеттік органдарының өкілдері қосылады.
Алдағы отырыста коронавирус инфекциясының таралуы жағдайында тұтынушылардың құқықтарын қорғауға ерекше назар аударылады.
Атап айтқанда, Одақ және Достастық елдерінің мемлекеттік органдарының өкілдері тұтынушылардың құқықтарын қорғау саласындағы эпидемияға байланысты туындайтын проблемалық мәселелерді қарастырады, сондай-ақ ЕАЭО және ТМД мемлекеттерінде қабылданған оның теріс салдарын жоюға бағытталған шараларды талқылайды.
Бейнеконференция аясында ЕЭК Одақ пен Достастық елдері арасында тұтынушылардың құқықтарын қорғау мәселелері бойынша ақпарат алмасуды ұйымдастыру бойынша ұсыныстар дайындау барысы туралы есеп береді деп жоспарлануда.
Сондай-ақ алдағы отырыста ЕАЭО аясында тұтынушылардың құқықтарын қорғау саласындағы интеграциялық процестерді одан әрі дамыту туралы декларацияны іске асыруға бағытталған шешімдер белгіленеді.
Сурет: mkaurcity.ru
