“ШЫҰ және ЕАЭО: өңірдің экономикалық әлеуетін және жаһандық экономиканы іске асыру үшін күш-жігерді біріктіру”атты тақырыптық сессия өтті. Оның барысында Еуразиялық экономикалық одақ пен Шанхай Ынтымақтастық Ұйымы кеңістігіндегі экономикалық әріптестік перспективалары талқыланды. Бұл туралы ЕЭК баспасөз бөлімінде айтылды.
Бұл пікірталас ШЫҰ Іскерлік форумы аясында өтті. Іс-шараны Ресей Федерациясының Сауда-Өнеркәсіп палатасының қолдауымен Еуразиялық экономикалық комиссия ұйымдастырды.
Сессия барысында комиссияның интеграция және макроэкономика жөніндегі министрі Сергей Глазьев негізгі баяндамасын ұсынды.
Глазьевтің айтуынша, ШЫҰ Еуразиялық континенттегі мемлекетаралық ынтымақтастық пен өңірлік интеграция архитектурасының басты құрамдас бөлігі болып табылады. Сондай-ақ ШЫҰ-мен диалогты жолға қою Еуразиялық экономикалық интеграцияны дамытудың бес жылға арналған стратегиялық векторларының жобасында көзделеді.
“ЕАЭО мен ШЫҰ-ға мүше елдер Еуразиялық континенттің өзегін құрайды, ал олардың өзара қарым-қатынастары көбінесе өңірдің одан әрі даму векторын айқындайды. Мәселен, Қазақстан, Қырғызстан және Ресей бір мезгілде ЕАЭО және ШЫҰ мүшелері болып табылады. Беларусь ШЫҰ жанындағы байқаушы мемлекет мәртебесіне, ал Армения диалог бойынша әріптес мәртебесіне ие. Бұл біздің интеграциялық бірлестіктеріміздің өзара байланысын қамтамасыз етеді”, – деп атап өтті ол.
ЕЭК Министрі сондай-ақ ШЫҰ-мен қарым-қатынастарды ресмилендіруге бағытталған оның жүргізіп жатқан қызметі туралы әңгімеледі.
Екі ұйымның өзара әрекеттесу перспективаларына қатысты Глазьев оларды біріктірудің маңыздылығын атап өтті. Басымдықтар ретінде ұлттық валюталардағы өзара саудадағы есеп айырысулар санының артуын, сондай-ақ Бірыңғай даму институттарының қалыптасуын атап өтті.
Пікірталас соңында оған қатысушылар екі өңірлік құрылым арасындағы жан-жақты өзара іс-қимыл мен өзара түсіністікті кеңейту жолдарын табудың маңыздылығына ерекше назар аударды.
Сурет: ca-irnews.com
