Еуразиялық экономикалық комиссия Алқасының төрағасы Михаил Мясникович Оңтүстік-Шығыс Азия мемлекеттері қауымдастығының (АСЕАН) бас хатшысы Лим Джок Хоемен кездесу өткізді, оның барысында тараптар ынтымақтастық бағдарламасын 2025 жылға дейін ұзартуға шешім қабылдады. Бұл туралы ЕЭК баспасөз қызметі хабарлады.
«Біз АСЕАН хатшылығымен ынтымақтастықтың сабақтастығы мен серпінділігін сақтаймыз. Біздің ынтымақтастық бағдарламасын 2025 жылға дейін ұзартуды ұсынамын. Бұл ұзақ мерзімді жобалар мен бастамаларды құруға мүмкіндік береді», – деді Михаил Мясникович.
Ол АСЕАН-ға қатысушы елдер Еуразиялық экономикалық одақ үшін маңызды және өте перспективалы серіктес екенін мәлімдеді. Бүгінгі таңда ЕАЭО мен АСЕАН арасындағы тауар айналымы 25 миллиард доллардан асады.
«Тауарлық ынтымақтастық маңызды, бірақ бізге оны инвестициялық және ғылыми-техникалық ынтымақтастықпен, соның ішінде өнеркәсіптік кооперациямен толықтырған жөн. ЕАЭО елдері айтарлықтай қуатты инвестициялық әлеуетке ие, АСЕАН серіктестеріне қызықты болуы мүмкін жаңа білім мен технологияларды таратушылар болып табылады», – деп атап өтті Михаил Мясникович.
Өз кезегінде Оңтүстік-Шығыс Азия мемлекеттері қауымдастығының бас хатшысы өзінің әңгімелесушісінің сөзімен келісті.
«ЕЭК мен АСЕАН арасындағы өзара түсіністік туралы Меморандум көптеген саланы қамтиды және ынтымақтастық бағдарламасын ұзартудың қажеттілігі мен мақсаттылығы бар», – деді ол.
Сондай-ақ Лим Джок Хой екі бірлестік арасындағы саудадағы түрлі кедергілерді бірқалыпты жою бойынша жұмыстарды бастайтын уақыт екенін атап өтті.
Сурет: kaztag.info
