Еуразиялық экономикалық комиссия осы жылдың соңына дейін ЕАЭО-да Одақ елдерінің цемент және құрылыс өнімдерін еркін тасымалдау бойынша мемлекетаралық стандартты әзірлейді.
Аталған стандартты әзірлеу туралы Армения астанасында өткен «Антиконтрафакт-2019» форумы шеңберінде өнеркәсіптік саясат департаментінің басшысы Николай Кушнарев айтып берді.
«Үлбір бұйымдарын таңбалауда оң нәтижелерді ескере отырып, біз бұл тәжірибені құрылыс материалдары саласына осы саладағы заңсыз айналыммен күресте пәрменді шара ретінде таратуды және қолданыстағы Еуразиялық «құрылыс индустриясын қамтамасыз етудің өнеркәсіптік технологиялары» техплатформасы негізінде осындай бірлескен жобаны іске асыруды ұсынамыз», — деді Кушнарев.
Өз кезегінде, іс-шараға қатысушылар осындай стандартты құруды қолдады және одақ кеңістігінде құрылыс өнімдеріне сертификатты енгізу ЕЭО мүше мемлекеттері арасында Техникалық регламенттің болмауын ескере отырып, осы тауарларды реттеудің ең тиімді құралы болып табылатынын атап өтті.
«ЕАЭО нарығында цемент өнімдерінің еркін, кедергісіз айналымы мақсатында 2019 жылдың соңына дейін құрылыста қолданылатын цементтің сәйкестігін бағалаудың бірыңғай процедураларын белгілейтін мемараларалық стандарт әзірленеді», — деді Кушнарев.
