Минскіде Еуразиялық үкіметаралық кеңестің отырысы басталды, оған республикамыздың министрлер кабинетінің басшысы Асқар Мамин қатысуда, деп хабарлайды ritmeurasia.org жаңалықтар ресурсы.
Үкіметаралық кеңестің жұмысы ЕАЭО елдерінің үкімет басшыларының шағын құрамдағы кездесуінен басталды, одан кейін келіссөздер кеңейтілген құрамда өтеді.
Одақ елдері премьерлерінің көзбе-көз кездесуінің күн тәртібіне сауда саласындағы өзара іс-әрекетке, газ, мұнай және мұнай өнімдерінің ортақ нарықтарын қалыптастыруға қатысты мәселелер енгізілді.
Талқылау үшін одақтағы тауарларды сәйкестендіру құралдарын таңбалау туралы келісімді жүзеге асыруға байланысты мәселелер шығарылды.
ЕАЭО елдері премьерлері одаққа мүше мемлекеттерде коронавирус індетінің таралуына қарсы күреске бағытталған кешенді іс-шаралар жоспарына ерекше назар бөледі.
Сондай-ақ, Еуразиялық үкіметаралық кеңеске мүше елдер ЕАЭО трансшекаралық нарықтарында бәсекелестіктің жалпы ережелерін бұзуды анықтау және оның жолын кесу бойынша жұмыстарды талқылайды деп жоспарлануда.
