Мәскеудегі Еуразиялық экономикалық комиссияның штаб-пәтерінде қаржы нарықтары бойынша кеңес беру комитеттің отырысы өтті, деп хабарлайды ЕЭК баспасөз қызметі.
Отырыс Еуразиялық экономикалық одақтың ортақ қаржы нарығын қалыптастыру тұжырымдамасын іске асыруға қатысты мәселелерді талқылау мақсатында ұйымдастырылды.
Қазақстан тарапынан пікірталасқа қаржы нарығын реттеу және дамыту агенттігінің өкілдері қатысты.
Жиналғандардың алдында сөз сөйлеген ЕЭК-тің экономика және қаржы саясаты жөніндегі министрі Тимур Жақсылықов, тұжырымдамада ЕЭО-ның ортақ қаржы нарығын қалыптастырудың құқықтық негізі айқындалатынын атап өтті. Сондай-ақ, оны одан әрі дамытудың тетіктері мен құралдары көрсетілген.
Қазақстан Республикасының қаржы нарығын реттеу және дамыту агенттігінің өкілдері, өз кезегінде, біздің елімізде
одақтың ортақ Қаржы нарығын реттеу бойынша ұлттықтан жоғары орган туралы келісім бойынша жүргізіліп жатқан жұмыстар туралы айтты.
Сөз сөйлеген Қазақстан мамандарынан кейін, Тимур Жақсылықов осы жылдың 1 наурызынан бастап Одақ елдерінің қаржы нарығы саласындағы заңнамасын үйлестіру туралы келісім күшіне енгеніне назар аударды. Осыған байланысты, ЕЭК министрі ЕЭО мемлекеттеріне комиссиямен бірге ағымдағы жылдың соңына дейін тиісті жоспар әзірлеу қажет екенін атап өтті.
