Ресей Федералдық кеден қызметінің баспасөз қызметінің ақпараты бойынша, ЕАЭО мемлекеттерінің кеден қызметтері бірыңғай транзиттік жүйені құру бойынша жол картасын бекітті.
Экономикалық одақ аумағында жалпы транзиттік жүйені қалыптастыру жөніндегі жол картасы жақында Қырғызстанда өткен Кеден одағына мүше-елдердің кеден қызметтері біріккен алқасының 31 — ші кезекті отырысында бекітілді.
Жол картасына сәйкес тауарлардың транзиттік өткізілуін қадағалаудың жалпы жүйесін құру болжанып отыр, онда навигациялық пломбалар қолданылатын болады.
Отырыс шеңберінде қатысушылар кедендік транзит процедураларын эксперименттік цифрландыруды кеңейтуге қатысты мәселелерді талқылады.
Ресей ФТС басшысы Владимир Булавин айтуынша, электронды транзитті толық көлемде енгізу үшін экономикалық одақ мемлекеттерінің темір жол тасымалдаушылары арасында тасымалдың барлық тізбегі бойынша жүк транзиті туралы ақпарат алмасуды ұйымдастыру қажет.
Сонымен қатар, тараптар одақ елдерінің біріне қатысты тарифтік емес реттеудің уақытша шаралары қолданылған транзиттік жүктерді кедендік бақылауды жүзеге асыру тәжірибесімен алмасуға уағдаласты.
Кездесуге қатысушылар авто және темір жол көлігімен тасымалданатын жүктер үшін кедендік транзит мерзімін белгілеу бойынша практикалық тәжірибені талқылады. Сонымен қатар, олар тасымалдаушыларға экономикалық одақ аумағында уақытша әкелінген халықаралық тасымалдаудың автокөлік құралдарының болу ережелерін сақтау үшін шаралар қолдану мәселелерін қарастырды.
Сурет: kresy.pl
