Біздің республикамыздың оңтүстік астанасында Еуразиялық үкіметаралық кеңестің отырысы өтеді, оған ЕАЭО-ға қатысушы елдердің, оның ішінде Қазақстанның үкімет басшылары қатысады. Бұл туралы Ресей Федерациясы министрлер кабинетінің баспасөз қызметі хабарлады.
Сондай-ақ, биылғы жылдың 31 қаңтарына белгіленген отырысқа Молдова министрлер кабинетінің басшысы мен Еуразиялық экономикалық комиссия Алқасының Төрағасы қатысады.
ЕАЭО елдерінің премьер-министрлері кездесуінің күн тәртібіне өзара сауданы кеңейтуге және Одақ мемлекеттері арасындағы сауда-экономикалық ынтымақтастықты нығайтуға байланысты мәселелер енгізілетін болады.
Сонымен қатар, отырыста ЕАЭО-ға қатысушы елдердің ішкі нарығының жұмыс істеуіне келтіретін кедергілерді жою мәселелеріне назар аударылады.
Бұдан басқа, Одақ елдерінің үкімет басшылары Еуразиялық экономикалық одақ кеңістігінде ұлттық валюталарды пайдалануды кеңейту бойынша бірқатар ұсыныстарды қарастырады.
Еуразиялық үкіметаралық кеңес отырысынан кейін “Жаһандық экономиканың сандық болашағы” форумы өтеді, оның аясында біздің елдің, Армения, Белоруссия, Қырғызстан, Ресей және Молдова премьер-министрлерінің қатысуымен пленарлық сессия өтеді.
Сурет: 24.kz
