Ресейдің Вице-министрі Максим Акимов Ресей премьер-министрі Дмитрий Медведевпен кездесу кезінде Еуразиялық экономикалық одақ елдерінің арасында ұялы байланыс үшін бірыңғай тарифтер пайда болуы мүмкін екенін айтты. Бұл туралы «ОТР» ақпараттық агенттігі хабарлады.
Максим Акимовтың айтуынша, ағымдағы жылы Еуразиялық экономикалық одақ елдерімен ұялы байланысқа бірыңғай тариф туралы мәселе бойынша келісу жоспарланып отыр.
“Шынымен де қызметтер көрсетудің бірыңғай стандарттарына, соның ішінде желіішілік роумингті алып тастау керек. Бесінші буын байланысын енгізуге дайын болу керек. Біз өзімізде осындай дайындыққа кірісіп кеттік, бірақ Бірыңғай экономикалық кеңістік құрудамыз — ол шын мәнінде құрылды, біз оны іс жүзінде кеңейтеміз — 5G байланысын Еуразиялық одақ форматында да іске қосуды ойлау керек”, – деп атап өтті Дмитрий Медведев.
Бұдан басқа, Ресей Федерациясы үкіметінің басшысы Ресейдегі желіішілік роумингті жою туралы қаулыға қол қойғанын хабарлады. Бұл заң 2019 жылдың 1 маусымынан бастап күшіне енеді.
Сурет: Kasparov.ru
