Еуразиялық экономикалық одаққа қатысушы мемлекеттер өмірге қауіпті өнімдер туралы мәліметтермен ақпарат жүйесі арқылы алмасуға ниетті. Бұл туралы Еуразиялық экономикалық комиссияның баспасөз қызметінен хабарлады.
ЕЭК Алқасы санитарлық шараларды ақпараттық қамтамасыз ету саласындағы жалпы үдерістерді орындау ережелерін мақұлдады. Бұл шешім ЕАЭО елдері тұрғындарының санитарлық-эпидемиологиялық салауаттылығын қамтамасыз ету үшін ақпараттық ресурстар құруға бағытталған.
ЕАЭО интеграцияланған ақпараттық жүйесін іске асыру нормаларына сәйкес ЕЭО мүше-елдерінің уәкілетті органдары арасында мынадай бағыттар бойынша автоматтандырылған ақпарат алмасу жүргізіледі: өнімді мемлекеттік тіркеу туралы берілген куәліктер туралы; инфекциялық және жаппай инфекциялық емес ауруларды анықтау және ЕАЭО кедендік аймағында адамдардың өмірі, денсаулығы және табиғи орта үшін қауіпті өнімдердің таралуы және т. б.
Комиссия атап өткендей, санитарлық шаралар саласындағы жалпы үдерістерді жүзеге асыру санитарлық-эпидемиологиялық жоспардағы қауіп-қатер мен ТЖ туындауы туралы тез хабардар етуге, уақытылы санитарлық шаралар қабылдауға, сондай-ақ санитарлық-эпидемиологиялық мемлекеттік қадағалауға жататын қауіпті тауарлардың әкелінуіне, айналымына және транзитіне жол бермеуге ықпал етеді.
Санитарлық шараларды қолдану саласындағы деректер қолжетімді болады. Эпидпрогноздау және ауру өршуінің алдын алу мақсатында статистикалық талдау үшін деректер базасынан мәліметтерді қолдану мүмкіндігі пайда болады, деп ЕЭК хабарлады.
Сурет: eurasiancommission.org
