Еуразиялық экономикалық комиссия Алқасы Төрағасының көмекшісі Ия Малкина брифинг барысында одақ елдері қылмыстық жолмен алынған кірістерді заңдастыруға қарсы күрес саласында ақпарат алмасу туралы келісім жасағандығын мәлімдеді, деп хабарлайды “ҚазАқпарат” жаңалықтар ресурсы.
Оның айтуынша, бұл келісімге 11 желтоқсанда онлайн-режимде өткен Жоғары Еуразиялық экономикалық кеңестің отырысында қол қойылды.
Осы құжатқа сәйкес Еуразиялық экономикалық одақта қолма-қол ақша мен ақша құралдарының қозғалысы туралы деректер базасын қалыптастыру мәселелерімен айналысатын орган пайда болады.
Малкина қылмыстық кірістерді заңдастыруға қарсы іс-қимыл саласында ЕАЭО елдері арасындағы ақпарат алмасу туралы айта келе, бұл одақ мемлекеттерінің уәкілетті, құқық қорғау және кеден органдарының сұраулары бойынша жүзеге асырылатынын атап өтті.
Сонымен қатар, ол мұндай мәліметтер құпия түрінде болатынын, тиісінше одақ елдеріне оларды қорғауды қамтамасыз етуі қажет екенін баса атап өтті.
Бұдан бұрын Жоғары Еуразиялық экономикалық кеңестің келесі отырысын Қазақстан Республикасының аумағында 2021 жылғы мамырда өткізу жоспарланғаны хабарланған.
