Еуразиялық экономикалық одаққа қатысушы елдер жаңа коронавирустың таралуына жол бермеу бойынша өз іс-әрекеттерін үйлестіруді жоспарлап отыр. Мемлекеттер деректермен алмасып, вирустарға қарсы іс-қимылда қабылданатын шаралар бойынша жедел кеңес беру жүргізетін болады. Бұл туралы Еуразиялық экономикалық комиссияның баспасөз қызметінен хабарлады.
Жақын арада денсаулық сақтау, сондай-ақ азаматтардың санитарлық-эпидемиологиялық салауаттылығын қамтамасыз ету саласындағы әріптес елдердің уәкілетті органдары арасындағы өзара байланысты және жұмысты үйлестіруді жолға қою жоспарлануда.
«Одақ елдері өзара көмек көрсету аспектілерін пысықтайды, атап айтқанда, олардың аумағында тауарлар жетіспеуі туындаған жағдайда ЕАЭО мүше елдерге ізгілік көмек көрсету және атаулы коммерциялық жеткізу мүмкіндігін талқылау жоспарлануда. Одаққа қатысушы елдерде бірінші кезекте қажетті тауарларды жеткізуді ұйымдастырудың жедел мәселелерін шешу үшін мәселелер бойынша шешімдер қабылдау бойынша өкілеттіктер берілген лауазымды тұлғалар анықталатын болады», — деп түсіндірді ЕЭК.
Сондай-ақ, індет кезінде ЕАЭО кедендік аумағына бажсыз әкелінетін тауарлар тізбелерін толықтыру бойынша қызметті жалғастыру туралы шешім қабылданды.
«Коронавирусқа қарсы әрекет етуге бағытталған шешімдер кезектен тыс түрде талқыланып, 10 күндік мерзімде күшіне енеді. Мемлекет үкіметтері коронавирустық инфекцияның таралуының алдын алу, сондай — ақ эпидемия жағдайында экономикалық дамуға жәрдемдесу бойынша бірлескен іс-қимыл жасау жұмыстарын жалғастырады», — деп түсіндірді комиссияда.
Сурет: ru.sputniknews.kz
