Қазақстанның сыртқы саясат ведомствосының өкілдері Иерусалимде кезекті келіссөздер өтіп, онда ЕАЭО елдері мен Израиль арасындағы еркін сауда туралы келісім жасауға байланысты мәселелер қаралғанын хабарлады.
Қазақстан тарапынан кездесуге Сыртқы істер және сауда министрліктерінің, сондай-ақ Израильдегі Қазақстан елшілігінің өкілдері қатысты.
Атап айтқанда, келіссөз барысында қатысушылар тауарлардың шығарылған жері, олардың нарыққа шығуы сондай-ақ дауларды шешу ережелеріне қатысты мәселелерді талқылады.
Сонымен қатар тараптар сауда және қоршаған ортаға, мемлекеттік сатып алу мен бәсекелестікке қатысты мәселелерге назар аударды.
Қазақстан сыртқы саясат ведомствосының ақпаратына сәйкес, келіссөздер аясында қатысушылар “Астана” халықаралық қаржы орталығымен таныстырылды.
Кездесуде жоғарыда көрсетілген келісімді жасасу сауда қатынастарын дамытуға және Еуразиялық экономикалық одақ елдері мен Израиль арасындағы ынтымақтастықты нығайтуға ықпал ететіні айтылды.
