Еуразиялық экономикалық комиссия сауда, Еңбек көші-қоны, ветеринарлық шаралар, сондай-ақ Кедендік ынтымақтастық және ЕЭО Агроөнеркәсіптік кешені салаларындағы мәселелерді талқылады. Бұл туралы Еуразиялық комиссияның баспасөз қызметі хабарлады.
Еуразиялық комиссия алқасы одақ елдерінің көкөніс шаруашылығын дамыту туралы ынтымақтастығын дамыту бойынша ұсыныс қабылдады.
Қабылданған құжатта бірнеше шаралар енгізілген: ресурстармен қамтамасыз ету, бірлескен сауданы реттеу және экспорттық әлеует.
Одаққа мүше мемлекеттерге ресурстармен қамтамасыз ету жоспарында көкөніс дақылдарының тұқым шаруашылығы және селекция салаларында бірлескен жобаларды қалыптастыру және іске асыру үшін одақтық елдердің ғалымдары мен кәсіпкерлерінің ынтымақтастығына жәрдемдесу ұсынылды.
Ынтымақтастық барысында елдер көкөніс дақылдарының жоғары өнімді сорттары мен будандарын алмасу ісінде бір-біріне жәрдемдесуі, сондай-ақ өсімдіктерді зиянды организмдерден қорғаудың биологиялық және химиялық құралдарын өнеркәсіптік өндіру саласында бірлескен жобаларды іске асыруға көмектесуі тиіс.
Комиссия Алқасы одақ елдеріне көкөніс дақылдарының негізгі түрлері бойынша өндіру мен тұтынудың орташа және ұзақ мерзімді болжамдарын әзірлеуде бір-біріне көмектесуді ұсынды.
Сондай-ақ, алқа тұрақты сапалы көкөніс өнімдерінің ірі партияларын жеткізуді қамтамасыз ету үшін ұсақ тауарлы өндірушілердің кооперациялық байланыстарын дамытуды ұсынды.
Аталған бағыттар бойынша Одақ елдерінің ынтымақтастығы бірқатар мәселелерді шешуге көмектеседі, олардың ішінде өндірістің ұсақ тауарлы сипатының басым болуы, маусымаралық кезеңде көкөніс импортының елеулі өсуі, сондай-ақ қорғалған топырақ алаңдарының және көкөністерді дұрыс сақтау үшін қуаттардың жетіспеуі.
Сүрөт: supersadovnik.ru
