ЕЭК Техникалық реттеу бойынша министр қызметін қоса атқарушы болып табылатын алқа мүшесі Виктор Назаренко ЕЭО қатысушы-мемлекеттерді, соның ішінде Қазақстанды аккредиттеу бойынша органдар басшылары кеңесінің үшінші отырысына қатысты. Бұл туралы ЕЭК баспасөз қызметі хабарлады.
Кездесуге қатысушылар алдында сөз сөйлеген ЕЭК Техникалық реттеу министрі ЕЭО елдерін аккредиттеу бойынша ұлттық органдардың қызметі одақ кеңістігінде жұмыс істейтін сәйкестікті бағалау бойынша органдардың құзыреттілігін қамтамасыз етуі, сондай-ақ олардың жұмыс сапасына жедел әсер етуі тиіс екенін мәлімдеді.
Сондай-ақ, отырыс кезінде оның қатысушылары ЕАЭО елдерінде сәйкестікті бағалау туралы негізсіз құжаттарды беру себептері мен тәуекелдерін талдау қорытындысын шығарды.
«Бірінші кезекте бұл сәйкестікті бағалау жөніндегі органдарды де, аккредиттеу жөніндегі органдарды де өздері беретін құжаттардың объективтілігі мен шынайылығы үшін нақты жауапкершілікке тарту тетігінің болмауына байланысты. Одақ заңнамасының қазіргі жетілдірілмегендігіне, аккредиттеу саласындағы екінші деңгейдегі құжаттардың пысықталмауына сүйенуге болады, бірақ ұлттық заңнама аясында нақты жағдайларда бүгінгі күні тәртіпті қалыптастыруға арналған тетіктер мен құралдар жеткілікті», — деді Назаренко.
Бұдан басқа, кездесу аясында одақ елдерінің аккредиттеу жөніндегі ұлттық органдарының басшылары ЕАЭО елдерінің аккредиттеу жөніндегі органдарының өзара салыстырмалы бағалауды жүзеге асырудың бірыңғай тәртібін пысықтаумен байланысты мәселелерге назар аударды.
