Еуразиялық экономикалық комиссияда (ЕЭК) ЕАЭО-да еуразиялық корпорацияларды құру қажеттілігі туралы айтылды. Бұл туралы бүгін ЕЭК баспасөз қызметі хабарлады.
“Жаһандық өнеркәсіптік нарықтардағы жағдай бүгінгі таңда тек ірі компаниялар ғана бәсекеге түсе алады. Одақ осы жүйеде елеулі орын алуы үшін бізге өзінің ірі бизнесі қажет, Еуразиялық корпорациялар қажет”, – деп мәлімдеді ЕЭК өнеркәсіп және агроөнеркәсіп кешені бойынша министрі Александр Субботин.
Ол сондай-ақ, ЕАЭО қызметіне бизнестің қатысуы арқасында тараптар металлургияны, Машина жасауды, жеңіл өнеркәсіпті және ауыл шаруашылығын дамыту бойынша ортақ шешімге тезірек келе алатынын атап өтті.
“Комиссия жұмысының маңызды бағыты бірыңғай кедергісіз экономикалық кеңістікті қалыптастыру болып табылады. Өзара саудадағы кедергілер бизнес шығындарын арттырады, олар тек кәсіпкерлердің ғана емес, сонымен қатар ЕАЭО мүше-мемлекеттердің өздерінің мүдделеріне қарсы бағытталған. Одақтың ішкі нарығындағы кедергілер қысқа мерзімде жойылуы тиіс және жаңалары пайда болмауы тиіс”, – деп атап өтті ЕЭК Алқасының мүшесі.
Одақ шеңберінде өнеркәсіптік кооперациялардың, субконтрактациялардың және технологиялар трансферттерінің Еуразиялық желісі құрылатын болады. Олар ЕАЭО-ға қатысушы елдердің өнеркәсібін цифрландыру құралдарының функциясын орындайтын болады.
“Бұл “бестік” мемлекеттерге кәсіпорындарды теңдестірілген жүктеу және технологиялар ағыны бойынша міндеттерді шешуге көмектеседі. ЕАЭО бизнес-қауымдастығымен бірлескен күш – жігерді жандандыру одақ экономикасында жаңа инновациялық секторларды құруға және өнеркәсіптік кешендерді жаңа технологиялық тәртіпке шығаруға мүмкіндік береді”, – деді Субботин.
