Онлайн-брифинг барысында ЕЭК Алқасы Төрағасының көмекшісі Ия Малкина Еуразиялық экономикалық одақта бірыңғай газ нарығын құрудың 2-ші кезеңіне өту туралы шешім қабылдағанын айтты. Ол келесі кезең осындай нарықты қалыптастырудың инфрақұрылымдық, технологиялық және құқықтық базасын құруды көздейтінін атап өтті. Осы кезеңді іске асырудың басты нәтижелерінің бірі тиісті халықаралық келісім жасасу болып табылады. Бұл туралы ЕЭК баспасөз бөлімінде хабарлады.
Құжатқа бірыңғай газ нарығының жұмыс істеу және реттеу қағидаттары, үшінші елдерден де, сол сияқты оларға да газ тасымалдауды және жеткізуді жүзеге асыру кезінде ЕАЭО-ға қатысушы мемлекеттердің өзара байланыс тәртібі енгізіледі.
«Келісім — шартты әзірлеу келесі жылы аяқталады деп үміттенеміз», — деді Малкина.
Оның айтуынша, ЕАЭО-ға қатысушы елдердің басшылары 1-кезеңнің іс-шараларын аяқтауды тапсырған болатын. Бұл өңірлік бірлестік елдерінің аумақтарында орналасқан газ тасымалдау жүйелеріне қол жеткізудің бірыңғай ережелері туралы құжатты пысықтауға байланысты.
Сондай-ақ, ЕАЭО-ға мүше елдердің мұнай саласындағы заңнамаларын үндестіруге бағытталған іс-шаралар жоспарын іске асыру басталады. Осы жоспарға сәйкес мұнай және мұнай өнімдері саудасының нарықтық тетіктерін қамтамасыз ету желісі бойынша заңнаманы үйлестіру жүзеге асырылады.
Еуразиялық экономикалық одақ туралы шартқа сәйкес мұнайдың бірыңғай нарығын 2025 жылға дейін құру қажет.
Сурет: vb.kg
